නොසිතූ මොහොතක ඉපදුණා සේ ම,නොසිතූ නිමේෂයක අප හැම මේ ලොවින් සමු ගනු ඇත.එබැවින්,දුක මෙන් ම සතුට ද, ජය මෙන් ම පරාජය ද,ආදරය හා විරහව ද,සැනසීම සහ සෝ සුසුම් ද,ඉපිද මැරෙන කාලය පුරාවට අපට මුණගැසෙනු ඇත.එහෙත්, කිසි දාක කිසිවක් ම නැති වන්නේ නැත.හැම දාක ම කුමක් හෝ පවතී.

පවතින දෙය, කුමක් හෝ ලබා දෙයි.එය හදවතට ගෙන එන්නේ බරක් වුව ද, සැහැල්ලුවක් වුව ද,දිනක ඒ බර සහ සැහැල්ලුව ද එක් වන්නේ අතීතයට ය.අනාගතය තවමත් පැමිණ නැත.වඩාත් වැදගත් වන්නේ වර්තමානය හෙවත් මේ මොහොත යි.

මේ මොහොතේ ඔබ සතුව මොකක් ම හෝ ඇත.මුකුත් ම නැති වනවාට වඩා කුමක් හෝ තිබීම මඅපට ජීවත් වන්නට හේතුවක් නොවන්නේ ද?…