සිහින සිඹින සියොතුන් | Sihina Simbina Siyothun

මෙහෙම මංගල්ලයක් ලෝකයේ කවර තැනකවත්  සිදුව තිබේද ? 

මංගල මධුසමයට පෙර මනාලයාගේ දෙපා අල්ලා වැඳ,

මනාලිය සිය ප්‍රේමවන්තයා වෙත යන්නන්ට අවසර ඉල්ලු මංගල්ලයක් ලොව කොතනකවත් සිදුව තිබේද? 

කුරුලුගේ පිරිමි පපුව ඇතුළේ, පිටව යන්නට පොර බැදු සුසුමක් විය.නමුත් ඔහු ඒ සුසුමට පිට වෙන්නට ඉඩ නොදුන්නේය.

කුල ගෙදරින් නික්ම යන්නට අවසර ඉල්ලන මනාලිය ඉදිරියේ කොහොම සුසුම් හෙලන්නද?සමාජය විසින් පරම්පරා දහස් ගණනක් තිස්සේ උගන්වා තිබෙන්නේ පිරිමියෙක් එහෙම නොකළ යුතු ලෙසටය.පිරිමිකම කියන්නේ එයටය.