සතුට | Sathuta

"තිරිසන් සතුන්ට කෑමට ප්රමාණවත් අහාර ලැබී නිරෝගීව සිටින තාක්කල් සතුටින් ජීවත් වේ.මිනිසුන්ද එසේ විය යුතු යයි කෙනෙකුට පවසන්නට පුළුවන.නමුත් නුතන ලෝකයේ ජීවත්වන මිනිසුන් එසේ නොවේ.යටත් පිරිසෙන් ඔවුන්ගෙන් බහුතරය ජීවත් වන්නේ සතුටින් නොවේ.ඔබ සතුටින් ජීවත් වන පුද්ගලයෙකු නම් ඔබේ මිතුරන් කීදෙනෙක් එසේ සතුටින් ජීවත් වන්නේදැයි සිතා බලන්න.

බර්ට්රන්ඩ් රසල් මෙම කෘතිය රචනා කලේ උගතුන් සඳහා හෝ අසන්තෝෂය යනු හුදෙක් කතාවට පමණක් සීමා කරගත් මාතෘකාවක් ලෙස සලකන පුද්ගලයින් සඳහා නොවේ.එමෙන්ම ගැඹුරු දර්ශනයක් හෝ දුරවබෝධ පාණ්ඩිත්‍යයක් මෙහි ඇතුලත් ලිපිවල අඩංගු නොවේ.ඔහුගේ පරමාර්ථය වුයේ අසතුට යනු බොහෝ දෙනෙකු මුහුණ දෙන ප්‍රයෝගික ගැටළුවක් බව පැහැදිලි කර දී සතුට ලඟා කර ගත හැකි ආකාරය පිලිබඳ සාමාන්‍ය දැනීමට අදාළ පහසුවෙන් තේරුම් ගත හැකිප්‍රයෝගික කරුණු කරනා පාඨකයාට ඉදිරිපත් කිරීමයි.එමගින් ජීවිතය සතුටින් ගත කිරීම සඳහා අනුගමනය කල හැකි අත්දැකීම් හා නිරීක්ෂණ මගින් තහවුරු කරන ලද ක්‍රමවේදයක් හඳුන්වා දීමය.ඒ අනුව සතුට පිලිබඳ තර්කානුකුල විග්‍රහයක් හා ජීවිතය සතුටින් ගත කිරීම පිණිස අනුගමනය කල යුතු සරල සත්‍යයන් හා අත්දැකීම් මත පදනම් වී ඇති පැහැදිලි මාර්ග සිතියමක් මෙහි ඇතුලත් වේ.